Guida da reparaturas

Oha, es ruot alch? Quai nun es uchè mal — no laschain cumadar!

Reparaturführer.ch ans güda. Sün quista plattafuorma as chatta las infuormaziuns necessarias per salvar nossa roba avant co tilla büttar. 

Perchè cunvegna a cumadar alch?

Cumadar nu renda be pro prodots fich chars. Na, da l'uorsin fin pro'l tschütschapuolvra renda üna reparatura. Mincha chosa chi vegn prodotta douvra materia primara (Rohstoffe) ed energia. Perquai faja bod adüna sen da cumadar e douvrar inavant il prodot. Blera roba riva aint il s-chart cuntuot chi tilla as pudess cumadar leivmaing. Pro'l stampader a radis da tinta (Tintenstrahldrucker) füssa forsa be da pulir üna jada las düsas per ch'el funcziuna darcheu. Cun cumadar roba pudaina contribuir alch a la chüra da l'ambiaint ed eir spargnar. Ils contacts e las cugnuschentschas necessarias as chatta pro'l Reparaturführer.ch.

Ün'iniziativa da Chantuns e cumüns

La plattafuorma Reparaturführer.ch s'ha sviluppada tras l'iniziativa da divers Chantuns e cumüns. Hoz sun sur 20 Chantuns e divers cumüns  commembers da quista rait. Numerusas intrapraisas da reparaturas s'han registradas sülla plattaforma ed i gnaran pro amo plüsas.